■黃建東（右)與林德信即場Jam歌。香港文匯報訊（記者 李思穎）黃建東（東東）早前為林德信（Alex）主持的網上節目擔任嘉賓，還選唱了林子祥（阿Lam）的《千億個夜晚》，以及Alex和爸爸的熱爆廣告歌，Alex則大讚東東有才華。
兩人在節目上彈琴唱歌，並分享昔日經歷，東東表示一直很欣賞Alex：「佢好勤力百足咁多爪，唱歌拍戲教瑜伽兼有自己節目，佢首廣告歌又咁hit，所以今次第一次合作梗係要合唱一下。自己從細到大都是林子祥粉絲，每次聽《千億個夜晚》尤其感動，想起當年在美國留學孤伶伶一個人單打獨鬥面對無數個夜晚，所以今次上嚟想將 『林 Uncle』首歌送畀大家。」
另一邊廂，Alex指東東是第一個嘉賓要求Jam歌和玩音樂，從而發現他內裏充滿很多故事：「平日大家見到嘅東東都係以搞笑和喜劇為主，原來只係佢表面，今次同佢傾偈聽佢彈琴唱歌，先發現原來內裏有很多層次，係一個好有才華同諗法嘅藝人。聽佢分享以前留學經歷同埋《千億個夜晚》對佢嘅意義之後好感觸，很欣賞佢好容易打開自己流露最真摯嘅感情，令大家很快熟絡咗好多，日後希望再有合作機會。」