■在疫情下馮允謙戴上玻璃球罩真應景。香港文匯報訊 唱作歌手馮允謙 （Jay Fung）今日推出的新專輯《AWAKEN》（覺醒)， 內裏多首歌的MV都以太空未來世界為背景，是以新唱片封套拍攝亦加入不少未來元素。馮允謙說：「今次唱片入面，《開始倒數》同《地球來的人》都玩好多特技，係我以前未試過，連帶音樂上我都作出好多新嘗試，所以唱片名形容得好貼切，加上今年全世界都好多嘢發生，要好感恩我哋手上擁有嘅嘢，例如生命同屋企人呀，其中一隻歌《小康》我係寫畀屋企人嘅，就好似係一份聖誕禮物咁送畀佢哋，希望佢哋都感覺到我嘅愛。因為疫情，所以今年大家都面對好多轉變，我希望大家有乜想做就快啲去做，要馬上行動唔可以等。」
他又說這次拍攝唱片封套照片比拍攝MV時輕鬆得多，不需像拍MV時上山落山及和空氣演戲外，衣服造型亦回歸成熟穩重「官仔骨骨」，不過其中一個太空人造型卻為他帶來少許麻煩，他說：「因為要扮太空人，所以要將一個玻璃波咁樣嘅太空人帽戴喺頭上，但戴咗上頭之後無法固定，郁嚟郁去好搞笑。」