■林溥來與關宛珊宣布造人成功。香港文匯報訊（記者 梁靜儀）林溥來（Patrick Sir）與關宛珊（Kimmy）結婚4年，二人趁昨日拆禮物日宣布造人成功，Patrick Sir在社交平台貼上多張老婆孕照，並透露老婆今胎佗男B，笑言加上愛犬Don Don可以組成超級男團。
繼胡杏兒及余香凝在聖誕日宣布懷有身孕喜訊後，Patrick Sir亦在拆禮物日報喜，快將榮升爸爸的他留言形容BB是上天送給他們的聖誕禮物：「份禮物我哋5個月前已經收到，仲睇住佢越嚟越大，而老婆面上嘅笑容就越嚟越甜。選擇喺呢個普天同慶嘅聖誕節及Boxing Day同大家一齊拆禮物，就係想將我哋呢份喜悅同各位分享，為大家喺疫境中打打氣，增添正能量！感謝上天送畀我哋嘅新生命，亦希望世界從此換上新氣象！老婆，雖然每次問你，你都話唔辛苦，但係我都要再講多次：辛苦你喇！嚟緊坉n對住我同Don Don加BB呢個超級男團，你一定要有更多嘅耐性，但係我保證我哋必定努力為你奉上幸福、快樂！」
準媽媽Kimmy亦有搞笑留言指由他倆拍拖開始就已經存在第三者，現在更多個第四者，而這個第四者好乖，未來他們兩公婆會繼續去哪都帶埋這兩個「電燈膽」，一家四口開開心心。