香港文匯報訊（記者 廣濟）東區醫院感染控制組高級護士長黎衛文回憶過去一年，最印象深刻的，是醫院迎來一家大細六個病人：「一開始係有三個，屋企嘅爸爸同岳父岳母入急症室確診，後來媽媽同姨婆都感染從檢疫中心入嚟，檢疫中心剩低一個4歲嘅小朋友。」醫院在知道這一家人的情況後，努力爭取安排一家六口入院，一家人互相扶持。
眼看病人康復進度良好，甚至有幾位快將出院，黎衛文非常感恩：「這家人其中一名婆婆病情唔係咁穩定，現在好好多，我哋醫護叫佢屋企人安心啲。一家人染病我哋都唔想睇到，但係如果有，都盡量畀佢哋距離近啲，就算佢哋互相見唔到面，醫護都好願意去做佢哋嘅傳聲筒。」
黎衛文對家庭感染群組特別敏感：「每當知道佢哋有家人出院，就會好替佢哋開心，反之當知道有家庭成員去咗就會特別難受。」
哄老友記照X光 如哄小朋友
該院放射部高級放射師溫紹斌則笑指，自己對病人，即使病人七老八十，仍要像哄小朋友一樣。「比如照X光，因為病房係要將菲林攝入病床同佢哋照，有病人唔鍾意凍凍哋，又哽住後背。呢個時候就需要當老人家係小朋友咁稱讚，讚佢乖，讚佢叻仔叻女，說服佢哋配合，然後再好似影相咁捕捉個moment，真係一個疫情之下嘅全新體驗。」
東區醫院眾醫護的新年願望都是希望疫情盡快過去，香港可以早日抗疫成功，本港市民可以盡早重獲新生，回到原來的生活。