● 江嘉敏香港文匯報訊（記者 梁靜儀、阿祖）江嘉敏的工作和家庭生活深受疫情影響，她說：「拍劇數量減少咗，外快亦少好多，以致收入亦減少，因為我要四圍去拍嘢，怕有事會影響到家人，大家見面時間係少咗。經歷過呢一年，自己心態上都有所改變，以前成日都會喺社交平台講珍惜眼前人，講就好多人都識，但做到又有幾多人呢？自己都意識到呢個問題，就幾乎每日同父母、妹妹facetime傾偈，關係比以前好，又會掛住佢哋，見面時仲會擁抱。」
踏入2021年，嘉敏最想可以去泰國旅行，享受陽光與海灘，連泳衣都已買定。至於工作目標是想演挑戰性角色，例如心理變態殺人犯。她希望新一年疫情盡快過去，大家可以開開心心！
不過事與願違，江嘉敏踏入新一年即頭頭碰着黑，全因她大懵忘記了銀行戶口密碼，戶口被封鎖了，以致沒錢在身要靠朋友接濟。她笑言自己生氣了5分鐘，聽到粉絲安慰她沒錢提出來不用花錢倒是好事，即時覺得天氣冷仍感受到溫暖，她亦只好安慰自己：「都好嘅慳吓錢！」不過她最後都獲朋友相助，請她去茶餐廳吃了個愛心茶餐醫肚。