「威進駒」郭能跳兩段，馬身實淨夠薄皮，毛色烏卒卒，走勢挺勁，惹人好感。
「軍威振」韋達跳一段，聽教聽話，試來神態生猛，步順暢有彈力，馬身結實，狀態已在勇境。
「陽明高高」潘明輝跳兩段，中檔順走落腳輕爽，極之放鬆神情專注，身壯色潤外觀靚，狀態不俗。
「睡眠攻略」田泰安跳兩段，谷起雞公頸甚生猛，走勢硬朗，翻步爽夾勁，馬身夠壯，狀態已起。
「陽光霸駒」助手跳兩段，按住慢走步爽利落，馬身壯碩，毛色立立靚，勇態冒起。
「神州風範」郭能試草地，按住走過，外觀依然靚，馬身茁壯落腳輕快，狀態長期省鏡。
「甲烷」郭能跳兩段，一貫搶口頭擰擰，然而狀態在上佳水準，色水悅目馬身靚，出腳急勁。
「大雷暴」韋達跳一段，暗火湧現，口勁墜手，出腳輕巧，彈力亦足夠，打仔馬持續勇銳。
「金元寶馬」史卓豐跳兩段，比前更放鬆，不急不搶走勢順暢，馬身脹卜卜，埋門狀態依然見好。