香港文匯報訊（記者 梁靜儀）蘇志威與太太劉小慧近日應邀為煮食節目《煮場爭霸》擔任嘉賓，二人以即食麵挑戰兩位大廚黃亞保及張錦祥。
蘇志威透露以往的嘉賓準備的食材多是海鮮等高級食材，雖然兩位大廚一定整得好味，但很多觀眾都未必跟到照煮，所以他們就為大家着想，揀了大家很多時都會食的即食麵。
小慧表示平日很多時都會下廚，因老公的廚藝麻麻，所以不會給他機會下廚，不想浪費進食Quota，她笑說：「雖然老公好有誠意煮畀我食，但睇佢做第一吓，第二吓已經即刻趕佢出廚房，一睇佢煮就知道冇前途，因為我已經冇乜Quota，唔好嘥咗去，佢個名叫『廚房懵炳』。」
聽到太太的評語後，蘇志威為自己平反，指兩個女兒對他的廚藝不知幾欣賞，他笑說：「大女好欣賞我用滾水整嘅五分半熟流心蛋，細女就好欣賞我整嘅西多士，我炸得好好食。」