第七場、第三班、一六五○米。馬主黃志祥在港養唔少馬，一直與頂級大賽無緣，但每季他都會引入唔少自購馬來港，問鼎四歲馬大賽，佢同苗禮德一向保持合作關係，更由練者祖家南非引入馬匹來港服役，三年前就有「星洲司令」贏過經典盃，今年黃生囡囡黃敏儀新寵「拍馬難追」已報跑打吡，不過現評七十八分肯定唔夠入選，但目前跑三班谷賽就綽綽有餘。「拍馬難追」挾南非一級賽好望角打吡殿軍之名來港，贏牠的對手全為南非頂尖分子；在港初出熱身後復課試田草千六米閘，沿途自動加速輕勝對手，進幅明顯，提防到位。
第八場、第三班、一二○○米。「迎有」源自父系「盡善盡美」，在港同父有「崇山寶」及「紅衣醒神」兩匹短途好手，更曾勝出一級賽；周歲價五十五萬澳元，在澳洲由石爾純訓練，曾七戰獲兩冠一亞兩季，勝途為一三五○米及千四米，俱在悉尼鄉鎮馬場勝出，全部佩戴眼罩上陣，跑法以放頭及跟前為主。此駒血統優良，父系「盡善盡美」配種成績極佳，母系Kidman是二級賽威司令拖鞋錦標亞軍，產下子嗣中，包括前新加坡短途馬王「傑精神」，性賦早熟。「迎有」初出隨時可監生吞。