民主黨洪駿軒上月被高等法院裁定非妥當當選，成為咗今屆區議會首位被DQ嘅區議員。而洪駿軒就提出上訴，聲稱咁做係唔想「建制派『好輕易』透過選舉呈請，就否決到民主派嘅『民意授權』」成為先例。講到咁巴閉以為佢好有承擔？但原來都走唔出攬炒派嘅套路，噚日佢專登開記者會宣布要搞眾籌，擺明醉翁之意不在「上訴」喇。
洪駿軒噚日喺民主黨主席羅健熙等人嘅陪同下開記者會，佢話自己大學畢業一年半都無，銀行戶口得五位數嘅存款，財政壓力巨大，所以需要眾籌100萬元去支付選舉呈請同上訴首階段訟費。
佢仲話，如果上訴成功嘅話，開支可能會高達300萬元，到時會再開展第二階段眾籌??。而為咗成未懦}市民嘅口袋，佢仲要道德綁架大家話：「上訴唔係佢自己一人之事，而係全香港市民嘅事喎。」
有網民見到佢哋又借啲意搞眾籌，就批評佢哋唔係為翻盤，而係想食人血饅頭益自己友班律師。「Alice Ku」就鬧：「又系（係）要錢，啲錢又唔知去曬（晒）邊。」
「Bear Little」就話：「最重要是眾籌，上唔上訴是次要。」「Angelina Mo」就揶揄佢哋：「日日眾籌，好過返工。」
「Wing Chan」就質疑：「連黨內籌款都唔做，搵街外市民？」●香港文匯報記者 倪思言