● 楊盼盼與林子聰同是熱愛電影之人。香港文匯報訊（記者 文芬）由「武打女星」楊盼盼主持的電視新節目《盼你賞面》最新邀請林子聰擔任嘉賓，而席上林子聰分享了與元華拍《功夫》的趣事，又自爆入行初不喜歡當演員，幸得達哥吳孟達提點。
楊盼盼與林子聰同是熱愛電影之人，過去曾合作喜劇《大四喜》。林子聰認為喜劇與動作戲是不能分開，他即席分享了與元華拍攝《功夫》的趣事：「當年華哥知道有一幕要被秋姐（元秋）一掌打到撞穿牆、飛出街嘅戲，拍攝前兩星期就練，去跑步、健身，作足準備，直至拍攝當日要埋位，佢望住三樓，深呼吸一啖諗住上三樓拍，我同華哥講，『唔係上面拍，係嗰邊拍，行去綠布景影張360度嘅相就OK，華哥即刻大受打擊話『點解我練咗咁多年，之前仲特登去操，你話我知，原來只係影幾張相』，華哥問我科技發達好定唔好？我話對今時今日嘅你係好事，可以延續你嘅演藝生涯，而且又冇咁危險。」
此外，以編劇入行的林子聰，當過演員、導演、監製等不同範疇，他表示在多個範疇中，他曾不喜歡當演員，他說：「以前我唔鍾意做演員，係達哥（吳孟達）同我講咗句『演員可以同導演一樣，賦予佢新形象、新生命』。嗰時做編劇，係想拍劇（執導），後來發現做演員都可以幫助拍劇（執導），到𠵱家我一寫劇本，就會諗晒三個範疇，全部成立，我先寫。」