● 吳浩康坦言都有錯過一些重要的人和事。香港文匯報訊（記者 梁靜儀）衛蘭、吳浩康（Deep）、林欣彤、陳奐仁、陳蕾等，前晚於將軍澳電視城為《勁歌金曲》錄影。
吳浩康上月傳出與33C郭思琳以情侶裝上陣同遊南丫島，事後女方被踢爆有個拍拖3年的圈外男友，Deep慘變第三者。 前晚Deep錄影《勁歌金曲》，宣傳新歌《十倍速》，新歌是講大家為了生活奔波而忘記了生命中重要的人和事。他自言都有錯過一些重要的人事，如早前前輩唐奕聰離去，兩年前哥哥因心臟病逝，當經歷過生離死別後，其他事都變成很小事，所以唱《十倍速》時都可以釋懷。
談到與郭思琳的緋聞，Deep以朋友形容對方，他說：「同佢係朋友，冇咩update，𠵱家工作為先，（你哋有一齊去南丫島？）有，都有其他朋友一齊，之前都有約過佢一、兩次，（去完南丫島之後有冇再聯絡？）嗰次之後就未有再約，因為大家都忙。 （知唔知女方有男朋友？） 唔知呀，都係睇報道先知，(有冇發展機會？）佢係好好嘅女仔，𠵱家唔敢講會定唔會，兩個人要多了解同等機緣，對方冇嘢唔好，係我自己問題。」
衛蘭當晚宣傳新歌 《It's OK To Be Sad》，她表示上兩個月寫這首歌時，有3位朋友過身，其中一個媽咪的兒子自殺身亡，所以希望送這首歌安慰對方。衛蘭直言雖然成日給人開心感覺，但都有不開心的時候，例如擔心事業前途、無工作或歌唱得好唔好等，她又自爆曾有過自殺念頭，感恩身邊有朋友和妹妹的陪伴和開解。另外，談到盧宛茵早前在《開心大綜藝》再次惡搞她？衛蘭表示不介意，並說：「覺得對方神態扮得神似，但唱歌就有啲唔似。」