●關心妍相隔5年後再推出廣東新歌。香港文匯報訊（記者 李思穎）關心妍（Jade）相隔5年後再推出廣東新歌《腍》，而對上一次推出廣東歌正是佗着女兒楊榮心的時候，雖然結婚做了媽媽，事實上她依然對唱歌不離不棄，音樂仍是她生命的一部分。
Jade在許文軒主持節目中，透露不曾因為誕下女兒而把音樂工作停頓，這幾年間會留意聽新歌，鑽研歌曲和教學生，唯一是要好好安排時間。
Jade坦言今次出歌前有問准老公，主要是互相配合時間，輪流照顧小朋友，Jade笑言:「𠵱家我除咗要睇住自己嘅時間表外，仲要睇埋老公、女兒同教學生嘅時間表，𠵱家真係仲忙，而我囡囡雖然仲未明歌手呢個職業，但佢知道表演呢件事，佢好好笑會問我今日做完嘢，係咪會有錢，咁咪可以買糖畀佢囉！」
Jade亦提到過往很少演戲經驗：「今次拍MV，我事前有同導演講唔好勉強一定要畀個角色我做，唔見我個樣也沒問題，但當我收到劇本同自己講Good Luck！因為今次個角色要有好多情緒，好難演，仲要處理好多復仇、奸狡感覺，估唔到出來大家覺得我演得好自然，可能人大咗，經歷多咗，又有小朋友，又可能平時同個女玩得多角色扮演遊戲，因為我得一個女，好多時候我就要扮演佢朋友，有時扮佢老師，可能或多或少有啲幫助，今次真係演技大爆發！我可以考慮去做演員，哈哈。」