● 陳展鵬與馮盈盈在《逆天奇案》有不少對手戲。香港文匯報訊（記者 梁靜儀）陳展鵬、黃智賢（Ben）、馮盈盈、劉佩玥、黃嘉樂、林熹瞳及菊梓喬等，昨日出席無綫新劇《逆天奇案》宣傳。展鵬與Ben對於劇集收視成績理想，他們同樣感到很開心。
展鵬被問到太太單文柔可有捧他場？他笑說：「老婆睇咗，佢話OK啦，佢鍾意我啲鬚，（有冇避開唔睇你同林夏薇啲甜蜜戲 ？）有啲橋段都係平時我同老婆度抄返嚟，平時我會同老婆撩交打，都係情趣，所謂戲如人生，人生如戲，（老婆有冇發現似曾相識？）佢睥一睥我話：『咁熟嘅？』」他笑指之後一些橋段，都是來自他同老婆平日生活的甜蜜細節。雖然太太喜歡他的留鬚造型，但女兒小豬見到爸爸留鬚卻「巧驚驚」，連抱都唔准，展鵬笑稱為了此劇犧牲好大 ：「真係手掌手背都係肉，所以拍攝幾個月冇錫到個女，好大犧牲，最近都有留返少少鬚，惟有早上錫個女，到晚上啲鬚生返出嚟就錫老婆。」
談到剛過去的母親節，展鵬形容當日好精彩，一日走足三場，搞到腳仔軟，他說：「朝早先同外母慶祝，再陪老婆去玩，夜晚同自己媽媽慶祝，騰來騰去，返到屋她已攰到腳仔軟，好彩下個月父親節輪到我享受，老婆負責節目。」
Ben就表示母親節當日，安排三隻愛犬錫太太慶祝母親節，晚上再與太太及外母於屋企食刺身慶祝。
馮盈盈痛下5年苦功
馮盈盈與劉佩玥（Moon）除了在劇集上有合作外，近日二人再於《好聲好戲》中碰頭，盈盈在第一回合中勝出，該集阿Moon亦有份擔任評判，她亦承認有偏心盈盈：「過程中我都好替佢緊張，因為盈盈好努力，雖然自己有少少偏心盈盈，但我唔係專登幫佢。」
盈盈表示雖然已勝出第一回合，但參賽以來一直都感到有壓力，因緊張觀眾對她的評價，稍後她會進入決賽，預計決賽前仍然會心情緊張，希望能給大家驚喜，她又說：「2016年入行至今5年嚟，其實我一直下咗好多苦功，又搵老師教演戲，等自己努力去練習，有錯嘅又會立刻糾正，呢啲唔係短短3個月可以做到嘅事。」提到她之前因為準備參賽而令到經期失調，盈盈表示目前身體健康，並已學懂調節壓力。