●吳業坤(左)接受許文軒訪問。香港文匯報訊（記者 梁靜儀）吳業坤（坤哥）日前作客TVB娛樂新聞台節目《StarTalk》，接受主播許文軒（Edmond）專訪，大談赴日本Working Holiday及挑戰「東海道五十三次」感受。
坤哥表示原定二月返港，但感覺好像沒什麼做過好頹廢，良心有少少掙扎，於是決定挑戰「東海道五十三次」由京都步行到東京。他坦言高估了自己曾經想過放棄：「第一日行咗40公里，實在高估咗自己，搞到對腳、膝頭同腳腕都好痛，行咗四五日先可以適應，都有一刻諗過放棄，想搭車返去京都。每日最期待就係去到旅館嘅澡堂浸腳，浸咗成個鐘都唔想出嚟！」
談到這次挑戰的體會時，坤哥說：「路，好似人生咁！開始咗就冇得返轉頭，有咩都要硬住頭皮上。行到第十三日，自己有一邊寫歌一路行，行行下唱到『如累了，請你只要相信捱下去』觸動咗自己，一路行一路喊，喊咗成個鐘。雖然呢個旅程有廢嘅時候，但我覺得今次真係拋開過往沉澱嘅嘢，以前成日做訪問話要沉澱，原來一直積聚咗喺度，今次真係打通晒！返咗嚟香港之後我真係開心咗好多！」
自言成熟了不少的坤哥，承認想找個女朋友，如果真的有女友都會公開，不過現時真的未有，雖然在日本有認識新朋友，但也不一定揀日本女仔拍拖。