香港文匯報訊（記者 李思穎）林芊妤（Coffee）為《靚媽圍爐》節目做嘉賓，分享人母經驗。
在娛樂圈工作曾經是她夢寐以求的夢想，但隨着兒子的降臨，令她有所改變：「其實我係好鍾意做瑜伽老師，好想做自己品牌，剩下來的時間便用來陪兒子成長。」最初，Coffee為兒子開設的社交平台爆紅，但後來給她狠心關閉，因她發覺這樣做令兒子失去私隱，但兒子仍會在媽咪的社交網上出現，她謂：「畢竟佢係我個仔，會一齊分享同一個人生，但就唔想個仔太早展開社交媒體生活，唔想第日佢返學，跟同學鬥多點擊，以為自己好勁。到佢大個要開社交平台 ，要做YouTuber ，我絕對唔會反對，等佢有自己能耐去做去創作，由零開始，咁佢先會學識到凡事都要靠自己去建立。」
Coffee佗着兒子時，因胎盤前置，經常出血所以放棄順產，最後開刀生B，她奉勸天下媽媽，千萬不要有「順產是angel，開刀是devil」的觀念，凡事最緊要係BB的安全做大前提。此外，Coffee及關心妍又跟大家分享，原來經常運動，有腹肌的人，開刀係非常之痛，冇腹肌就會好少痛。