●力臻(中)及陳天翱(右)接受許文軒訪問。香港文匯報訊 樂壇新人力臻及陳天翺（Eagle）日前作客TVB娛樂新聞台節目《StarTalk》，接受主播許文軒專訪，大談入行推出新歌感受。其中力臻需同時兼顧創作歌手和老師，他說：「初初都覺得辛苦，但搵到個共通點，因為我喺台上唱歌，係想我嘅作品影響人哋，而我上堂，就係好似影響學生，所以當我入課室時，就好似上台表演咁！(學生係你粉絲？)咁我又唔夠膽咁講！」
力臻新歌《都市爬行》以懷舊City Pop曲風取材，與AGA江海迦的《CityPop》「撞橋」兼同期推出，力臻說：「初初自己推出有啲卻步、有啲怯，但絕對唔係想挑機！由有經驗嘅歌手帶起呢類型曲風都係好事，希望大家藉此留意埋自己嘅作品！」對於曾在網上表示City Pop曲風，應該不只是一個歌名，矛頭似乎指向AGA，力臻說：「如果有咩誤會，我喺呢度向AGA講聲Sorry！其實我講呢句說話，係因為見到網上有好多評論，講邊首歌係呢類曲風，邊首唔係，所以我先至話一首歌係咪City Pop，唔應該只係用個名去Judge。不過大家有咁討論都健康，因為好耐都冇聽過有咁多人去討論一個曲風係咪屬於某個類型。」
而另一個新人Eagle曾參與選秀節目，現在作為獨立創作歌手也遇上不少難題，Eagle說：「錢係一個好現實嘅問題，不過行獨立最辛苦嘅係唔止做音樂，仲要學識宣傳、行政、派台上架要比較唔同平台價錢等等，自己都有問過來人林家謙嘅建議。」Eagle又說：「賣到歌令自己增加創作信心，之前有創作歌曲畀許廷鏗、谷婭溦同吳若希。自己第一首歌選擇EDM（電子）曲風，而並非專長嘅鋼琴曲風，係希望大家估唔到，有驚喜。」