●胡楓昨日跟Joe Junior和曾江茶敘。香港文匯報訊（記者 李思穎）胡楓（修哥）正為6月19日的紅館演唱會宣傳，昨日聯同兩個小生Joe Junior和曾江一起出現，並聯手公開尋人找四哥謝賢，希望齊集四個小生登上紅館為修哥擔任嘉賓。
久沒露面的曾光撐着枴杖而來，而受訪期間Joe Junior就繼續肩負揸咪的任務。
修哥和Joe Junior都分別致電四哥，均未獲對方接聽電話，要登報尋人。說到有傳四哥身體狀況出現問題？Joe Junior即時代為澄清說：「梗係唔係，個半月前去飲茶遇見四哥，他不知幾精神，身形好fit，我都想學佢。」
問到修哥會安排幾位小生合唱哪首歌？曾江即說：「以為只叫我去捧場。」修哥笑謂：「如果淨係請你嚟睇，今（昨）日就唔使搵你出來啦，做人係有目的嘅。」曾江亦即場答應上台做嘉賓，但事先聲明要提早講好，讓他有充足時間練歌，最後三小生都一致覺得唱《萬水千山總是情》最適合，修哥說：「有埋老四唱最好。」Joe Junior直言渴望四個小生去紅館。
目前個唱嘉賓還有羅蘭和薛家燕，而修哥身在外地的孫仔會拍片支持，四個曾孫更會上台，曾江聞言羨慕不已說：「我連孫都未有。」Joe Junior更搞笑謂：「我連仔女都未有。」
問到會如何懲罰無影無蹤的四哥？修哥說：「尋到四哥的話錫佢都嚟唔切，這個人幾十年都是如此，喜歡就唔叫都會應承，唔喜歡點都唔會做，這個便是老四。」
