● 衛蘭獲外界形容為「治癒系」歌手。香港文匯報訊（記者 李思穎）衛蘭（Janice）在接受主播許文軒訪問時，大談推出治癒系專輯《It's OK To Be Sad》感受。Janice感恩外界形容她為「治癒系」歌手，她說：「我覺得呢個就係我嘅使命，做一位歌手係好希望可以透過音樂幫到人，就算只係幫到一個，我都已經成功！希望透過點題作品《It's OK To Be Sad》鼓勵大家，當遇到不快時別抑壓情緒，要釋放出來。」
Janice直言不開心時，身邊有班好姊妹與她傾訴：「王君馨會畀好多意見我，好有用，佢要求好高，例如提醒我着衫方面點可以更好，站台點先會有氣勢同美觀；鍾舒漫同鍾舒淇係好搞笑，每次同佢哋傾偈，好自然就會咩唔開心嘅事都會忘掉；而我會主動問我妺妹Jill衛詩意見，佢會畀啲方向我，畀我一啲肯定，令我下決定時會更加有信心。」
對於成為《聲夢傳奇》導師，Janice直言自己也會從中學習，她說：「見到學員上台有勇氣、有信心，也被感染到自己要進步，而評判畀的意見，都會令我反省自己的表演、唱功，所以好感恩有參與機會。（落場比賽緊張？）會呀！作為導師上台走音同甩拍子會被人話，所以好緊張，但係我想講老師都係人，某啲日子都可能會唱得唔好，不過一定要盡力做到最好！」