第四場「攻頂」初出起用潘明輝於直路贏馬而回，上次加程用潘頓倒灶，今次轉來谷草上陣決心本利歸還，值得秤先。「航天勝將」上場轉來谷草牛刀小試跑近，今次再跑谷草，質新未見底馬賺體力有助提升勝算，成冷可敲。
第五場「天火同人」今季出道五戰全部跑入前四名，贏完上場後今次升上三班角逐，賽前由廄主韋達一手操好，大有機會再下一城。「綠色時代」今季一出即勝三班谷草一千米，之後上二班連輸五場作減分，如今季尾終於可以重返三班上陣，回師勝途可東山再起。
第六場「皇寶」近四場跑谷草一哩全入前四名，贏馬開竅後可望繼續進步，有望梅開二度。「赤馬雄風」近兩場加程跑一哩順利打疊贏馬，如今憑當起之銳持續進步，今次重返四班應該夠跑，打鐵趁熱有力再下一城。
第七場「行雲流水」今季轉來谷草一哩取得唔錯成績，今回同場不乏快馬，只要嘗試稍留，直路估計應可交出追勁贏馬。「健康在望」季內於谷草一哩贏過兩場無花假，過往證明孭重磅問題不大，抖夠試好大閘再來應是牌面角色，兼顧為宜。
第八場「小太陽」今季初出患喘鳴症落第，之後晨課試閘流鼻血休養，抖夠後五月復出在直路賽跑第二名，證明戰鬥力未有減退，今次轉來谷草對手減弱，有力打開勝門。「和氣生財」今季轉至徐雨石馬房後第四仗便打開勝門，之後再出落第，上場又落飛贏馬，看來適應水土後持續進步，今次乘勝追擊有力再建奇功。
第九場「星運男爵」前仗狀態只是初起，末段卻後上如飛僅以頸位不敵「韋小寶」，表現非常出色，經過一場硬仗，上場失準未可作全準，今次渡江隨時施回馬槍。「場場精綵」上季在港初出即勝，翌仗升班跑亦獲季軍，只輸給當銳的「明駿之星」和「錶之智能」，具潛力在二班爭勝，可是之後進度不進反退，直至上仗重新贏馬，季尾狀態回勇料一不離二。