[2005-08-09] 新E館：3G覆蓋面日廣

放大圖片

　3G的覆蓋面越來越廣

文：秋葉原

　這幾個月，最熱鬧除了電玩暑假減價戰外，當然市面上最多人爭議的莫過於免費報紙。這一次的免費報紙之戰，爭論得最多的並非印紙量，而是覆蓋面。這邊廂說沿線地鐵站、那邊廂說火車沿途各站，其實最終的目的都只是想知有幾多人睇。

　講開覆蓋面，今年3G的電訊商開放後，越來越多用家使用3G手機。我不談有幾多人上3G台，想說說覆蓋面。繼地鐵、火車開始覆蓋全線後，西鐵的3G覆蓋也漸漸完成。但用家有沒有發現到當3G跳回2G時，突然收不到的情形時有發生，地鐵轉西鐵尤其如此。

　為何現在大部分上台客都係選用番2G台呢？除了手機選擇多外，加上3G成日斷線，用家當然無癮，同埋又要過一段時間才可以回復正常。我瓊呢班繁忙的都市人，無�鰲X分鐘，又突然間會CUT線，你話用家嬲，但對方仲嬲。

　時至今日，3G的覆蓋面越來越多，同時CUT線的情形開始減少，雖然3G的發展我們香港遠慢於歐洲，但相信不久將來，如以往PCS同GSM台覆蓋得八八九九時，不單只多人用3G，就連價錢都唔使3倍跳。