 放大圖片
文：陳 任 圖：伍麗明
這一陣子吃咖喱「真係食開條癮」，加上兩個兒子不斷慫恿自己在家廚炮製咖喱菜譜給他們品嚐，自己又屬「廿四孝老豆」性格，經他們央求，於是一道道煮咖喱的板斧陸續出籠；曾試過連吃五天咖喱餐，老妻不禁抱怨：「喂，再咁食落去容乜易牙周病、暗瘡（乜瘡物瘡？）等等，乜都爆晒出嚟蕂？」
信焉，不過讀者諸君可也要忍耐一下，因為今天又要介紹另一款咖喱食譜，對不嗜咖喱的看官來說，實在罪過罪過，然而沒有辦法，因為打鐵要趁熱，剛做完的菜式急不及待要向各位介紹，還有，下周可能還會再來一次，敬請留意。
好！言歸正傳，今天要介紹這道菜是「咖喱黃花魚」。
一、材料
■黃花魚一條，九百六十克約一斤半
■洋蔥一個，半個切薄片，半個切碎粒
■甘筍兩條，半條切薄片，一條半切塊
■薯仔兩至三個，切塊
■月桂葉，三片
■咖喱粉，二至三茶匙
■茄汁，二茶匙
■牛油，三分一磚
■麵粉，三湯匙半
■酒，半杯
二、做法
■黃花魚開邊，各切三份，用少許鹽與胡椒粉醃約十分鐘。
■於平底鑊上並排放洋蔥薄片，再放甘筍塊然後放黃魚塊，加月桂葉兩片、酒與水各三分一杯，開火煮約十分鐘。
■用一湯匙半牛油起鑊，慢火煮至牛油溶化，下洋蔥碎油略炒，再下其餘牛油，加麵粉炒至暗黃，再加咖喱粉同炒，下三杯水、酒、茄汁與餘下一片月桂葉煮十五分鐘，便成咖喱醬。
■另鍋煮薯仔塊，加入甘筍片、糖、水（如果喜歡，還可以再加點牛油）一起煮片刻，至薯仔熟為止。
■把魚與薯仔放入咖喱醬同煮片刻便成。
|
放大圖片
