 放大圖片
■林敏驄「情變」傳不休，薛家燕面授機宜。
【本報訊】（記者 李思穎）林敏驄昨日到新城接受薛家燕訪問，其間家燕姐教他處理有關太太陳伶俐「偷情」事件，建議阿驄要顯示夫威，不要再讓太太打麻雀，而阿驄為免再受相關的新聞困擾，便乘機把曾志偉生日召妙齡女郎上門的報道擺上檯，笑指該索女疑似是主人婆。
繼陳伶俐被指搭上麻雀友Peter之後，近日有報道指Peter太太踢爆阿驄外面都另有女人，阿驄表示：「作得就作，作到落我度，一本雜誌話我有第二個女人，另一本又話我借酒消愁，如果有另一個女人都唔需要借酒消愁。（係咪好嬲？）都有些嬲，唔好激嬲我。（好困擾？）希望講還講，講到月底為止，我隻碟宣傳期到月底。（跟住又有你同曾志偉的talk show。）講志偉喇，佢又一單摸上門的新聞，個少女畀佢咁面試，我見過該女仔，帶過來開會，幾明目張膽死肥仔，個女仔好多意見，疑似主人婆，哈哈！（就近日的報道會否作出任何行動？）總之寫還寫，過咗月底就寫另一個啦。」
望太太少打麻雀
就這些新聞，阿驄坦言有向囝囝輔導。（囝囝有否給同學追問？）他說：「我諗無，佢係高等學府，不是荒山野嶺的小學，其實囝囝無事，佢考試照拿一百分。」薛家燕認為阿驄要有夫威，不要再讓太太打麻雀，免得大家的手有接觸，亦大讚阿驄很為家庭是個乖仔，未來要繼續愛老婆。不過阿驄似乎不聽教，完全無意思阻止太太打牌，問他會否勸太太打少一些，阿驄竟口窒窒說：「打少少少搵，她都係同女性打。（會否監場？）同女性打都要監場咁得人驚。」
惋惜伍晃榮逝世
對於伍晃榮病逝，阿驄和對方合作過主持世界盃，阿驄說：「印象中的伍晃榮好幽默，我跣過佢一次，有次霍金來港，我話佢似霍金，不過未講到似霍金咁有智慧，佢反應已經好快，好玩得。」家燕姐：「大家有合作過，睇到報道知道佢病逝消息時，自己都忍不住吞啖口水，感到太突然和可惜，人生無常，要爭取快樂和健康。」
|
放大圖片
