 放大圖片
■黃宗澤確是幸運兒，一進歌壇即有大批擁躉支持。
【本報訊】（記者 植毅儀）黃宗澤推出新唱片不到一個月已達金唱片數字，即獲唱片公司送金唱片鼓勵，這個聖誕及新年，黃宗澤沒有假期，要飛往星馬為其新唱片作東南亞巡迴宣傳一星期，不過他並沒有埋怨，而且愈做愈開心。
今次到星馬宣傳，他一共做了五個簽名會，所到之處都有大批歌迷及人群圍觀，令黃宗澤十分開心。
他謂熱帶的歌迷分外熱情，但最擔心的是看到很多女歌迷都是飛車黨，騎著電單車追著他到每一個地方，他說：「有一次在車上見到歌迷橫衝直撞，差點炒過來我架車度，嚇到我同工作人員大驚，結果要停在高速公路避車處，落車叫佢地唔好咁冒險，好擔心會有意外，點知有歌迷重同我講，唔駛驚，他們是飛車能手，試過參加越野賽車，真係畀佢地激死。」
寄裸照求簽名
黃宗澤於星馬的歌迷會至今已擁有近八百會員，他謂再瘋狂的歌迷也遇過，今次到大馬宣傳，他就收到三封求婚信及兩張幾乎全裸照，嚇得他不知如何是好。他說：「一拆開個信封就係兩張相，一個男人冇著衫，前面同後面各影一張，有條好細的毛巾拿係手……哈哈，嚇得我連信都跌落地，封信叫我在佢張相上簽名，我冇簽呀，因為我簽名只會簽我張唱片上面。」
收三封求婚信
至於三封求婚信，黃宗澤說：「我都唔知係咪歌迷整蠱我，哈哈，嫁畀我未必有好日子過啦，我又唔係鑽石王老五，我依家咩都事業為先，不會諗結婚住，而且結婚係人生大事，一世人只係想經歷一次，所以一定要諗得好清楚，搵到一個自己鍾意的人，唔係寫封信來就結婚蕂，而且我係大男人性格，結婚一定係男人求婚啦，唔鍾意調番轉頭。」
|
放大圖片
