鄭融新戀情曝光 老闆撐拍拖好正常

放大圖片

　■有傳鄭融與音樂監製莊冬昕拍拖。

　【本報訊】（記者　寧寧）鄭融一直被傳與師兄劉浩龍相戀的，最近故事峰迴路轉，鄭融被揭與音樂監製莊冬昕在西貢同居。其實早前鄭融已被傳媒拍到與莊冬昕拍拖睇戲，但鄭融堅稱對方只是好朋友。最近她再被拍得於莊冬昕位於西貢的大環村村屋出入，戀情終於曝光。

　兩人的公司老闆鄒世龍就力撐兩人：「我有看過報道，但太多這些新聞，藝人拍拖十分正常，後生仔女男歡女愛都好正常，又唔係打檯放火，又唔係一腳踏幾船，如果佢地真係拍拖就恭喜佢地，郎才女貌，幾好呀。我唔會反對旗下藝人拍拖，最重要不影響工作，除非是結婚，不然我不會干涉。」他表示沒有要求鄭融為拍拖作出任何承諾，因近年她的工作態度都很好，努力爭取到獎項，所以都不必要求太嚴苛。