尹光重踏紅館 下月演唱一場

放大圖片

　【本報訊】（記者 梁靜儀）尹光闊別紅館十八年，將於三月十一日再踏足紅館舉行一場「尹光爆金爛2009演唱會」，並請來「農夫」及柳影虹做嘉賓，昨日尹光到廟街宣傳兼大派T恤，場面一度混亂。

　尹光到廟街不單唱歌並大派演唱會T恤，且觀眾答中問題就有獎，當問到演唱會有哪位嘉賓時，有觀眾竟將「農夫」講成漁夫，十分搞笑。尹光與「農夫」雖屬不同年代的歌手，但原來私底下十分老友，並教他做Rapper手勢。問到點解不請埋「農夫」的經理人陳冠希（Edison）做嘉賓？尹光起初竟反問Edison係邊個，及後又指對方在網上單新聞令全世界都認識他，如果他肯出來一定爆硬。

　除了「農夫」，尹光與另一隊組合Soler亦相當老友，對方亦有向他呻過打輸官司賠錢的事。在圈中人緣好的尹光，透露很多朋友都答應做神秘嘉賓，其中包括薛家燕，不過他們到時來不來就不知了。之前台灣歌手品冠在紅館舉行一場個唱，但入座率只得七成，問到尹光可擔心入座率不夠？尹光信心十足說：「我唔擔心，我的責任係唱好歌，宣傳及售票問題唔到我擔心。」尹光又推介多首新歌，包括《飛甩眉毛》、《黐膠線的少年》及《發春夢》等。