 放大圖片
■汪若琳希望多演些與自己現實生活不同的角色。
【本報訊】苗僑偉昨日與多位《學警狙擊》演員出席活動，雖然劇集未有收視，他大讚口碑好並讚揚陳鍵鋒、吳卓羲兩人表現比第一輯明顯進步了。三哥笑言：「我身邊好多朋友都話好睇，第三輯比頭兩輯緊湊，不過最緊要觀眾欣賞，陳鍵鋒、吳卓羲比第一輯進步咗好多！」問到會否如吳卓羲所言穿泳褲打高爾夫球慶祝？三哥回應：「唔會，都係飲嘢食飯。」
苗僑偉表示，三月會聯同張可頤拍攝新劇，近日以休息為主，又經常聽華仔歌曲、睇發哥的戲及無線劇集。
周海媚則每天錄起劇集欣賞，完成昨日宣傳稍後會到上海拍劇。談到劇集出現不少類似電影場面，她回應：「都係咁上下嘢，唔可以話抄襲，套劇有電影感，電視劇來說都算突破，劇集講社團又有賣翻版碟，可以講有話題又有爭議性。」
第一次拍劇的江若琳認為劇集威力大，令她感受甚深。她說：「我出街好多人大喊我劇中的名字，早兩日有小妹叫我『翻版妹』姐姐，有朋友都話我個角色好粗魯，首天開工我就要鬧吳卓羲，我都NG好多！」江若琳坦言有歌迷唔開心，因為投訴她似爛仔，她說：「我好開心做到呢D角色，我期待以後可以再拍劇，演一些癲癲地、變態的角色，可以做精神病人。」
|
放大圖片
