「非禮案」未完 顏福偉笑罵由人

放大圖片

　■顏福偉在金融海嘯中，身家也縮水了。

　【本報訊】顏福偉昨日出席曲奇義賣活動，並落力向途人推銷，被問到之前他涉及一宗非禮的士司機案件時，他以案件仍在進行中而避談，只肯談工作。

　非禮的士司機案件仍未有定案，卻被「左麟右李」演唱會拿來開玩笑。問到福仔新年可有去睇演唱會？他表示沒有，但從報道中知道有這件事，他唔會介意，他說：「唔係我提，冇乜介意，人家開心，冇乜留意。」福仔表示也認識「左麟右李」，雖然事前無知會他，但娛樂事他不會著緊，顏福偉唔睇中文報紙，認為人家有人家的想法，自己無去睇演唱會，唔清楚內容。

　問到官司進展如何？他謂仍未完結。至於有無信心打贏官司，他再三強調唔講得住。事件可有影響公司生意？他說：「無無無，反而金融海嘯就令我身家縮水，縮了幾多就唔知，所以而家都煩惱公司業務。」

　向來愛唱歌的福仔，昨日卻沒有上台獻唱。他解釋是自己不想唱，因為自己又沒新歌。