「草蜢」三子 蘇志威管錢

放大圖片

　■「草蜢」接受鄭丹瑞訪問，縱談半世人的情誼。

　【本報訊】（記者　植毅儀）「草蜢」三子在鄭丹瑞主持的港台自製節目《Home Sweet Home》中，談到他們的友誼，蔡一智、蔡一傑及蘇志威自小認識，既是鄰居、也是同學，至今更是經歷無數的好兄弟，彼此志趣相投，熱愛音樂和舞蹈。

　阿旦於訪問中問他們邊個最貪錢？他們齊聲說：沒有一個貪錢。阿智及傑仔表示：「草蜢的所有收入都是由阿細（蘇志威）看管，要交什麼費例如交稅都係佢搞掂。如果我地有八十歲命，我地已經相識了半世，這種緣分真係好難得，係兄弟就唔使講，我地已經當阿細係屋企人。」

　蘇志威笑說：「佢地兩個自己都唔知自己有幾多身家。哈哈！」阿旦都不禁大讚好難得，大家可以這麼互相信任。09年「忘我演唱會」開鑼在即，阿旦問演唱會的命名由來，草蜢答：「大家要盡情忘我，好似要忘記自己的年齡啦、忘記自己丈夫身份啦、父親身份啦，用一個舞台表演者的身份落力演出。」蔡一智補充說：「其實今次演唱會係有個社會責任的，我地覺得現今社會有好多唔開心事，大家的情緒都唔係好好，我地身為娛樂人，希望可以娛樂到大眾，畀大眾有放鬆一下的機會。」