 放大圖片
【本報訊】（記者 李思穎）已定於7月16至19日假紅館舉行四場演唱會的黎明(Leon)，昨日以白馬王子look出席「Dream Wedding Leon Live Summer 09」演唱會記者會。雖然這次個唱主題是Dream Wedding，但Leon否認今年有結婚打算，也不會創男歌手先河在舞台上宣佈婚訊。
清減不少的Leon穿上白色西裝出席活動，而首飾贊助商周大福即場給Leon贈送鉑金對裝戒指，預祝他個唱成功及全心全意為Leon打造完美的夢想婚禮。當Leon收到這份禮物，笑言眼珠有點發光，又問為何以枕頭（指戒指枕）戴著，後來得知是「同襟共枕」意思，Leon連忙說睡覺都不會除掉這隻戒指。
Leon在台上表示今年雙春兼閏月會很多人結婚，他說：「Dream Wedding給一些非娛樂圈中人便有不同睇法，我們做創作的有自己感覺，大家都有不同的夢，正因為我有很多快歌、慢歌和情歌，可以與拍拖、未拍拖及單身的人分享。」大家都很關心Leon是否有結婚打算，他肯定說：「無，我黎明入行咁長時間已經是專業的人！希望百分百投入，開騷畀買飛的觀眾，不會有私心，包括宣傳！(陳慧琳也在個唱宣佈喜訊？)你搵個男士比較下。(你不創先河？)開演唱會百分百是為支持的歌迷，如果有咁小朋友夢境就唔係我，唔好有呢個假設，乾脆利落，我就希望全身奉獻任何自己嘢，今年一定不會結婚！」
反應好或開part 2
Leon透露因場地問題，反應好都只能開part 2，應該加不到場，今次會採用鑽石台，當問到會否請樂基兒做嘉賓，Leon強調今天不要問他所有其他及無謂問題，希望傳媒會原諒和放過他。擅跳舞的Leon承諾在個唱上會施展舞技，他說：「有些人跳一粒鐘都唔斷氣，有些跳五分鐘即斷氣，我屬於五分鐘至一粒鐘，你們可以放心，不會斷氣，盡量跳得自然，唔止要過到人，又要說服自己內心。總之未見過(跳舞)如果唔難頂就係好嘢！」
問他跳舞是否最大壓力的環節，Leon稱：「不是，最近拍戲都不斷練氣，(屆時會騷肌肉嗎？)好似瑪麗嘉兒減肥都仲有肚脹就知減肥好辛苦，我會慢慢減，好似之前出海在海中心放我落去，游番半個鐘才上船，已經維持了十日，其次是減吃澱粉質和酒，又會早睡早起，我最愛吃咖喱雞飯，現在要戒吃煎炸食物和忍口。」
|
放大圖片
