 放大圖片
【本報訊】（記者 李思穎）顧美華胞妹顧麗華因丈夫馮潮澤發生婚外情，於本月二日在住所吊頸自盡，從此走上不歸路。一直被傳擬是第三者的亞視藝員吳亭欣在顧麗華出事後未有露面，而顧美華在辦妥妹妹身後事終打破緘默，直指第三者匪夷所思的惡行，她懷著哀痛沉重心情接受商台查小欣錄音訪問，當提到妹妹便忍不住悲慼痛哭，期間她大爆第三者的「狠毒」行俓，指對方揚言生日願望便是想顧麗華「死」，顧美華更大爆第三者曾三度懷孕，又開口想做「馮太」，同時最懷疑是妹妹在出事前一小時有否接過任何電話，惜這個答案永遠是「謎」！
打從顧麗華在去年十二月打空氣針自殺，那刻顧美華才知事情嚴重到這個地步，從那天開始每日都提心吊膽，她透露其妹是開朗派，但從08年頭開始發覺她性格有變，好多時都逃避自己的眼神，可能是怕自己擔心，佢老公發生婚外情，其實很多朋友都知，自己是最後一個知道。
去年六月知有第三者
顧美華說：「通常佢會叫朋友不要對我說這件事，其實佢好愛我，妹妹和老公感情一向好好，對方經常電話不停給妹妹，他對我們所有家人都很好，兩人好恩愛，食飯都拖住手，出外回家都攬攬錫錫，你話第二個男人會咩就唔出奇，當其時話妹夫係咁，我真係唔相信，我和妹妹在最後一次飲茶時，佢忽然之間話，如果當日我一直返緊工，可能今日結局唔係咁，我都唔知佢點解咁講，可能話對屋企貢獻咁多，到頭來又得到什麼。(有否去了解件事？)點了解，既然佢唔想我知，我只可以從她的朋友口中去關心，甚至問媽媽，因妹妹很孝順，每日幾個電話畀父母。
你到妹妹打空氣針先知他們夫妻關係很惡劣？「唔係，去年六月妹妹在車上畀本雜誌我睇，內容話有個咁匯女人，話一日洗幾十萬買車、買錶，我都很愕然，佢話就係呢個女人，當時我個心痛到死，我呆了不知如何安慰她，我講了一句係家姐同佢一齊面對。(第三者出現了幾耐？)我唔知，可能是去年六月或之前，我聽聞已有一段時間，六月到我妹妹知時，他倆已經好公然出出入入，所以妹妹先知，如果不是太離譜都可以瞞得住，點解咁殘忍要畀佢知，如果是逢場作興，我估妹妹會隻眼開隻眼閉，今日搞到咁樣，事緣係第三者明確話要做『馮太』。這說話係馮生同我講，佢話答應了，因對方是虔誠天主教徒也為他落咗個BB，即是為他犯下彌天大罪。(虔誠天主教徒唔應該發生性行為？)我真係唔清楚。」
日記透露打算離婚
顧美華之後聽妹夫說該第三者可能再度懷孕，其後她在胞妹日記上發現第三者可能又再懷孕，如果是的話，妹妹也有心理準備離婚的事實。顧美華透露其妹一家人於去年七月到加拿大，之後其妹夫搬了出去，這段時間妹妹反而回復正常，所以收到妹妹打空氣針時是不敢置信，她說：「妹妹承諾不會再做傻事，之後都有看精神科醫生，佢老公都有陪她看醫生，往後妹妹都過得很積極，又去做義工，但五月二日(當日是顧麗華自殺)�膜擐n似世界末日，去到醫院，個女攬住我話阿姨走了。」此時，一直抑壓著情緒的顧美華終忍不住嗚咽痛哭，聲音悲慘。
顧美華透露妹妹留下一本日記，裡面寫著好多心聲，其實佢開始接受這件事(老公的婚外情)，當中寫著：「今日聽到老公話這個女人又有BB，如果真係有便是天意，我都準備去簽字離婚。」以顧美華所知，這已是該女人第三次有BB。顧美華續說：「我想妹妹太愛這個男人，這個男人又好得意，如果不愛老婆可以離婚，但他好似好愛這個家庭，我諗個問題通常睇第三者點做，如果第三者一定要做馮太，我妹妹都會讓位。妹妹設靈當日，很多朋友都不捨得妹妹，期間有對夫婦朋友同我透露，妹妹曾經接過第三者電話，對方話今年生日禮物，最想妹妹死，當時我唔知嬲定點樣，我個妹仲𠳓在靈堂，這是否一個人可以講得出來的說話，有二個女朋友聽到後都抱頭痛哭，其後我再去問一個好朋友是否聽過？這個朋友說第三者和妹妹有通話過，對方不時打電話騷擾妹妹，就連妹妹在加拿大的姑奶都知道，所以妹妹便把床頭電話拔起，怕咗第三者。」
事發前通宵電話騷擾
顧美華曾力斥第三者是大話精，她忍無可忍大爆：「我妹妹走了後，好多傳媒指第三者話半年無見這個男人，佢完全是無辜，我覺得佢講大話，我妹妹在五月二日佛誕�膜擉哄A我問佢老公發生咩事，因妹妹的病正康復中，醫生都話可以減藥，點解會發生這事？佢同我講，佢和太太在五月一日放假去睇戲食飯，期間第三者不停打電話給馮生，佢唔聽，跟住我個妹電話便響，她不停打來，最後這個男人都有去見佢，然後便返了屋企。當晚他們放在房的電話不停響，至凌晨六點該女人打來屋企電話，工人叫個男人去聽，這個男人跟住又上了她家，然後個男人話我聽，呢個第三者�蔣艄握F超過50�蝴q話來，一定要個男人出來見面，否則便踩上屋企見我個妹，我都唔明如果拍成戲都畀人笑，咁犯駁，今日講出來我都覺得好犯駁，但事實係咁，佢(馮生)咁講畀我聽，所以個女人點會半年無見。」
事發當日個男人早上六點幾北上打波，我妹妹和朋友於下午去浴彿，晚上八點半去IFC買完東西，之後返了屋企，十點前有些朋友仍收到她發出的講笑短訊，不過10點至11點出事這段時間便空白了，真係唔知有否收過任何電話，是一個「謎」，馮生話打完波落船已經是十時四十五分，有朋友話查下屋企電話，但我妹妹走了幾天。屋企都換了電話號碼，其實之前驚影響老婆已應該換啦，佢老公成日話叫我唔好插手，佢話係三個人之間的事。點會佢三個人的事，我父母今日無咗個女，我無咗個妹，我兩個姨甥無咗媽媽，呢條數點計？點解為了自己的開心，為了自己物質和金錢而去傷害人？佢走了剩下來的傷痛是一世，不能彌補，點解妹妹咁忍讓都唔放過佢？其實可以阻止這件慘劇，只要對方稍為在妹妹立場想一想便不會發生，一條人命喎，可能有些事我們真係唔知，或者妹妹來不及講畀人聽，在10至11點有無收過任何電話，我都好懷疑。」
|
放大圖片
