 放大圖片
■楊紫瓊接戲，華洋通殺，文武皆宜。
【本報訊】（記者 寧寧）前晚楊紫瓊單獨出席Dior活動，透露於康城影展回港後忙於處理娛樂公司的事，自言亦有電影洽談中，當中有文有武，通常都係外國搵她拍文戲，東南亞就搵她拍動作戲，她直言都有興趣拍戲，擺明放聲氣給香港電影公司老闆。
她說：「大家都知道呢個時期開戲唔易，其實監製、演員我都鍾意做，因為做演員拍戲時很多人維護，舒服好多；至於做監製就比較頭痛，拍攝時遇到有麻煩嘢都係搵你！」
楊紫瓊表示會幫公司物色有潛質的新人，她點睇香港的新演員？楊紫瓊說：「香港都有好多，我都睇好譚耀文，不過先要有Project，要了解巿場，沒理由為咗一個人開戲。其實演員的基礎好重要，拍外國戲要識英文，拍內地戲都要識普通話。」至於會否考慮簽梁洛施？她笑言：「呢樣要問佢啦！」
|
放大圖片
