 放大圖片
■舒淇剛從康城返港，以清新髮型及粉紅色長裙示人，顯得輕鬆愉快。
【本報訊】多位名人及藝人包括舒淇、楊紫瓊、任達華夫婦、中田英壽、王敏德夫婦及黃偉文等前晚到沙田出席「2009秋冬系列時裝晚會」，剛從康城回港的舒淇以新髮型及一身粉紅色長裙示人，對於舊愛黎明可能公佈婚訊，舒淇認為是好事，揚言對方真的成家立室會替舊愛高興，認真大方。
舒淇短髮清爽，她於日前剪髮，長髮變短有點捨不得，笑言會為剪下的頭髮祈禱，她說：「我望咗頭髮兩分鐘，才同佢地講Bye Bye！我二十年來都無剪過短髮，今次剪咗二十吋，真係唔捨得！」問到她到康城期間有否戴口罩，舒淇說：「無，當地機場都無人戴。」
問到會否欣賞黎明七月以婚禮為主題的演唱會，舒淇表示：「有時間一定會睇。（有可能公佈婚訊？）最好啦，開心嘢值得公開，我會為佢地開心。（有否聯絡黎明？）今日唔講私人事。」
對於好友陳冠希近日回港處理工作事宜，舒淇說：「我都係剛剛知佢返來，有時間會約佢食飯飲茶，不過我無時間。（擔心佢安全？）唔擔心，香港係法治社會。」
|
放大圖片
