 放大圖片
■阿Sa原來是標準影迷，三個偶像希望逐個見到。
【本報訊】蔡卓妍(Sa)昨日到旺角出席bossini活動，在活動中，阿Sa被委任為「開心大使」，又即場講出兩件開心事：第一件開心的事是到尼泊爾探訪；第二件事是第一次出唱碟。問到第三件開心事？阿Sa則以無聊來形容。
之後，阿Sa一本正經地說：「之前在上海電影節見到偶像基夫奧雲（Clive Owen），真係好靚仔，其實電影節之前在電梯口已見過，直情難以置信，第二日又見到佢，超開心，心跳從未咁高速過。」問她不是男友鄭中基的fans嗎？阿Sa二話不說就答：「唔係，我係Clive Owen fans，我有幻想過偶像認得我，但他只說：「Really?」可能我諗多得咗。（失望嗎？）無，我無介紹自己係歌星，當日我戴了帽，打扮得好奇怪，好彩唔認得我。」
阿Sa又稱，人生三大願望是能見到三大偶像，現時已實現了三分之一，另外兩個偶像是尊尼特普及曉格蘭特。
昨日阿Sa身處的地點，剛巧是早前發生擲鏹水彈的案發現場附近，阿Sa初時也不擔心，還傻笑說：「今日落雨應該無事。（案發當日都是落雨？）我好快走，唔會四圍行，會小心D。」
鍾欣桐(阿嬌) 前日自爆打幾十針Botox減肥。阿Sa指阿嬌做得代言人就要以身試法，加上她一直想改善身形，她又有問過阿嬌痛不痛，阿嬌答稱OK。至於她就未有考慮打botox，覺得未有需要。
|
放大圖片
