讀書叻得獎多 不必做歌星 阿倫欲提早送子出國

放大圖片

　【本報訊】（記者 梁靜儀）譚詠麟的金叵籮譚曉風近日被雜誌偷拍，對兒子被讚靚仔，阿倫亦大方談及兒子，但就稱無意讓他入行，更打算提早送兒子到外國升學，免得再被騷擾。

　昨日阿倫(見圖)新碟《Mr.Tam再度感動》記者會，環球旗下歌手孫耀威、劉美君、麥家瑜、Mr.、唱片公司及各電台高層均有到場支持。大碟以Band Sound 為主，有份寫歌給阿倫的樂隊Mr.更即場與校長夾歌，阿倫又唱出新碟中最喜歡的主打歌《讀愛》，台下反應熱烈。

落重料 靚仔係應該

　阿倫與紅顏知己Wendy所生的兒子譚曉風，近日被偷拍成了封面人物，又被大讚靚仔。阿倫聞言即開心地說：「大獲好評，靚仔過我係應該，我落重料。」他謂因與該雜誌打官司，也不知說什麼好。對兒子被偷拍，阿倫指兒子後尾才知道，都有唔開心，因為他愛低調，要心理輔導。文中又指曉風愛唱歌，阿倫有意為兒子鋪路殺入樂壇接他棒。然而阿倫卻表示不鼓勵兒子入行，他說：「兒子讀書好叻。（成績名列前茅？）OK，得好多獎，同我一樣，讀得書就大把機會，使乜做呢行，最好做太監同人捽腳趾及睇風水。」他又謂只想兒子專心讀書，如果受到騷擾不排除提早送他出國升學。問到送去哪裡讀書？他笑謂送去南極。