 放大圖片
■鄭秀文擅於自嘲，這次找來鄧萃雯，更是妙語連珠。
【本報訊】（記者 植植）鄭秀文演唱會第八場，請來出爐視后鄧萃雯做嘉賓，而舊愛許志安更聯同好友蘇永康、張衛健、梁漢文這個「BIG FOUR」組合來撐場，認真唔話得。
鄭秀文介紹「四奶奶」鄧萃雯出場時說：「其實一連10晚演唱會，我都會邀請一位特別嘉賓，為免被一些小報話我乾旱和龜裂，我今晚就特登不揀男的，揀個女的，我今晚的嘉賓是四奶奶。點呀阿四？其實我和你好有淵源，你叫四奶奶嘛，你知唔知我花名叫阿四？好驚蕂！四加四等於幾多？」這時鄧萃雯和應道：「八……，其實仲有我聽到你話你自己乾旱到好似沙漠咁…….怕咩？有我陪你。」
有得滋潤冇得讓
鄭秀文說：「我就係特登搵你來陪我，你咪仲乾過我，D報紙話你幾廿年都冇拍過拖。其實請你來可以引證單身的女人好美麗蕂，唔怕！始終我地會有甘泉。」雯女說：「但我們充滿滋潤，好驚動的愛情我一路都等緊，讓我先喎！」鄭秀文說：「唔制，呢D嘢冇得讓蕂，我要扒頭就扒蕂啦，我理得你呀！」兩人的一問一答，令全場觀眾拍爛手掌。
因同一牧師結識
其後鄭秀文去換衫，雯女在台上道出，原來兩人相識是因為同一個牧師，雯女說：「我耐唔中就係牧師度聽到鄭秀文的事，我想話畀你地聽，我第一次同佢溝通就覺得佢原來真係好sweet，佢會send個訊息畀我，好似我先果排頒獎禮wyman幫我搞D衫，佢會send個信息畀我，你好型呀繼續型D咁樣喎，咁我覺得呢個人不單止有外在美，真係有內在美，跟住冇耐又send個訊息問和我一起慶祝新年好唔好，不如來紅館唱歌，嘩，我真係覺得佢有無窮信心。」
|
放大圖片
