 放大圖片
■出道十年，阿Sa今年決定由零開始重新出發。
別人眼中的蔡卓妍永遠笑臉迎人，天蠍座的她對自己要求甚高，更試過把自己推向死角。幸好近年信佛的她，從佛經中領悟出不少人生道理，人生定有好與壞，只要樂觀面對就開闢另一片天空。「我已經習慣了不停地做，我覺得每個藝人或女仔有不同的階段，我覺得自己今年似去了另一個階段。前幾年都試過覺得好累，不願意起身返工，又成日想到底為什麼呢？又成日病、又成日捱到個眼圈咁黑呢？成日亂諗嘢。但呢1、2年個人忽然想通了，有許多以前轉牛角尖的問題忽然叮一聲想通了，開了竅，對工作又有另外一番體會。我曾經拍過30多套電影，但你問我是否每一套我都喜歡，則一定不是。當中一定有些是我好想拍，有些可能不是自己心水。以前會覺得唉點解拍呢？有些歌我都唔鍾意，點解要唱呢？自己成日問點解。但現在會覺得有好多事冥冥中自有安排，事情不會只有一方向，所有事都有好同壞，有些事你覺得好差，是因為負面情緒出現，令你覺得件事好差，但其實轉個角度去望回轉頭，你會見到另一條路。」
信佛的阿Sa向大家推薦一本好書，名叫《佛心領悟》，這本書最主要教大家放開懷抱去看世界，如何惜福。「我的星座是天蠍座，上次同城城、陳偉霆拍電影，發現大家都是天蠍座。天蠍座的人對自己要求好高，我做事又好謹慎，想法又多，但做的那件事達唔到自己要求，我會好憎。腦海中的天使與魔鬼會不斷出現，看完《佛心領悟》第一頁已點醒我，『人唔可以選擇生命長度，但可以選擇寬度；人唔可以選擇面容，但可以選擇笑容。』既然人生每一個階段都不同，何必為那些悲觀的情緒，迫自己埋牆角。你今日行的路，是你前世種的因，為什麼為了小小的挫折而令自己唔開心呢，想通了，好多事就迎刃而解，自然吸引些好事來你身邊。曾經有行內人同我訴苦，話覺得大家好似唔鍾意自己，出到街又比人望，其實好多事都是你自己想像，當你覺得別人喜歡自己時，你會發現大家望你都會報以友善的微笑，這是阿Sa自創的吸引力法。哈哈！」
回望十年 由零開始
阿Sa可以傾心事的朋友，都是由細識到大的死黨，在圈內可以傾心事的莫過於好姊妹鍾欣桐及同門師姐容祖兒。「人人以為我同祖兒一開始已經好熟，但其實唔係。佢試過轉唱片公司，又試過去了間唱片公司倒閉，我又試過在電影中做路人甲乙，又試過拍廣告做閒角，就因為大家都是由低做起，回望大家做這行的十年，都是由零開始。我覺得呢樣嘢好緊要，就因為大家由零開始，所以會好珍惜現在擁有的一切，因為人不是一世好運，當你遇過低潮，你才會好好把握現在的機會，因為機會過了就有可能不再。至於阿嬌因為相處了很長時間，我很了解她的性格，她性格慢熱，有時喜歡收埋自己。呢2年我們雖然分別工作，但亦會有接觸，她最大的轉變是待人處事成熟了。以前佢唔開心，你一眼就睇得出，也引起很多誤會。現在的她不收埋自己，再將自己的感受說出來，減少不必要的誤會。朋友的相處在乎溝通，我相信只要你用心對別人，別人一定用心對待你。」
|
放大圖片
