 放大圖片
■佘詩曼坦言驗身優惠唔預陳豪和鄭嘉穎。
【本報訊】（記者 植植）佘詩曼昨日出席「香港體檢」全新品牌形象發佈會，她表示已連續三年擔任該公司代言人，除了年年加酬勞外，又可免費驗身。
阿佘自言一向有驗身的習慣，因為做藝人工作日夜顛倒、又要捱夜所以每年驗一次身。說到身體是否有問題時，阿佘說：「幸好沒大礙，是第一年驗出膽固醇有少少高，都是自己唔好，好喜歡食大閘蟹，所以現在都食少了。現在人大了，反而膽小了。(條命矜貴咗？)唔係，知自己年紀愈來愈大，時間就愈來愈少，要珍惜生命。以前幾危險都去做，吊威宂、拍動作戲等。記得以前拍阿戚(戚其義)的劇，在山邊拍攝，一踩上去已見到腳下的沙鬆了，明知有危險，但拍出來的鏡頭靚，照踩上去拍。現在小心了，注重了休息，但今年都有成90集戲出街。（有冇介紹朋友驗身？）陳敏之問我有冇折頭。（咁有冇介紹畀陳豪同鄭嘉穎呢？）他們年紀大過我，識得照顧自己，不用我照顧啦！」
|
放大圖片
