 放大圖片
■試過「人肉打樁機」的威力，曾志偉又矮了幾吋。
【本報訊】前晚《超級遊戲獎門人》進行錄影，邀請到商天娥、郭政鴻、康華及多位藝員擔任嘉賓，娥姐參與環節「超級遊戲坐波波」，遊戲完結後，志偉笑說：「我終於知道咩叫『人肉打樁機』啦！」商天娥的腰骨曾經做過手術，因此不會參與太激烈的遊戲，到了「超級遊戲坐波波」時，志偉要求娥姐慢動作坐爆5個波，而娥姐就要求他跟錢家樂做拍檔，開始前兩人更不停揶揄娥姐，令娥姐笑得流眼淚。
待嫁的商天娥透露最近都有多做運動來減肥，她說：「今日專登唔開冷氣，効屋企打掃，半個鐘都搞到成身大汗。」問到未婚夫可會到場？她說：「唔到啊，志偉都有問佢到唔到，如果唔到就可以預先玩新娘。」記者笑言，可會叫志偉於婚前介紹型男給她識，她堅決地說：「唔要啊！」
早前有報道指滕麗名情緒崩潰，郭政鴻表示對此不作回應，只怕會愈描愈黑。談到她有否唔開心，他說：「佢唔開心？佢係大笑姑婆嚟蕂！」問到郭政鴻可會好好照顧娥姐，他笑說：「我照顧娥姐？佢照顧我啊！」他笑指怕跟娥姐拍檔玩「超級遊戲坐波波」：「以佢個噸位，成個飛埋嚟，我怕爆蛋蛋啊！」
|
放大圖片
