 放大圖片
■曹永廉要害受創，十分痛楚，連腰也無法挺直。
【本報訊】前晚劇集《飛女正傳》主要演員包括陳豪、黃德斌、曹永廉、蔡少芬、周家怡、朱慧敏及賈慕華等，亮相《超級遊戲獎門人》擔任嘉賓，而曹永廉更於「超級遊戲坐波波」環節，懷疑不慎撞到重要部位，見他痛得在軟墊滾來滾去。
其實，曹永廉於該環節不算很賣力，相信是起跳時位置錯誤所致。問到他究竟撞到哪裡？他說：「中間位，仲未到，無事！況且都生咗小朋友，都唔志在喇！依家都係得番一個用途。」記者笑問，回家可會試用一下是否機能一切正常？他笑說：「今晚太夜啦，轉頭要去小便，睇下得唔得就真。」此外，陳豪笑言「坐波波」改為男女分別進行，令他有一點點失望。他笑說：「橫掂都預咗受傷，咁梗係男女一齊玩好啦！」
此外，蔡少芬、朱慧敏、周家怡及賈慕華都為參加「獎門人」做好防走光準備。朱慧敏透露穿了兩條褲，蔡少芬就笑指上衣可以包到上頸。蔡少芬坦言為獎金獎品會全力以赴，她說：「係貪心蕂啦！邊個唔想有好運喎！」
|
放大圖片
