城城親自揀靚馬 兩年後出戰

放大圖片

　■郭富城身光頸靚，出席英國品牌活動。

　【本報訊】郭富城昨日官仔骨骨出席英國品牌活動，他表示大會特別安排了十多套西裝讓他挑選，最後他揀了直條西裝，他笑稱靈感來自前港督：「記起以前讀書仲係英國統治，港督都是以間條西裝襯藍恤衫，所以就有了這個造型，著上身令我都覺得好有領導才能，呢次令我勾起唔少童年回憶，心境都年經�髐Q幾年。」

　品牌稍後會舉辦慈善賽，早前榮升做了馬主的城城，愛駒可會落場？他表示馬匹要到2012年才可以出賽，故目前仍未挑選到馬匹。他說：「我會揀從未落過場跑過的自購新馬，朋友提議可以揀英國、澳洲等馬匹，不過我唔心急，有時間我都會飛過去親自揀，依家都係將做馬主匯心情放低先。」至於馬匹名字，城城透露曾想過用自己的歌名「狂野之城」，但及後雖想愛駒有爆發力，但不想太狂野，於是又想過用演過的角色「得意」為名。笑問他會否考慮改作「富黛」？城城即帶笑反問記者是否指「褲袋」?問他可喜歡這個名字？城城苦笑道：「麻麻地喎，我希望隻馬好有衝勁，似我，不過真係好忙，未有時間諗。」

　最近城城去了北京拍電影，他表示此行要到偏遠山區地方拍攝，加上日夜溫差相當大，感覺很辛苦。