Ella飾演的吸毒少女Mary，因為一次暈倒，得知患上絕症，才想到尋根，繼而回到香港，在機緣巧合下認識了泰迪羅賓。提起現在年青一代毒品問題嚴重，Ella力斥吸毒是一種不負責任的行為。「我好討厭人吸毒，討厭的程度麻煩你乘一千倍去形容。以前有個朋友吸毒，力勸之下都唔可以令佢返回正路。吸毒是一個不負責任的行為，我唔認同這個生活方式，又幫唔到佢，最後同佢絕交，自己都好心痛。唉，都係唔好再提了！」
