 放大圖片
■一眾歌星、粉絲為安仔拍攝音樂特輯，儼如一個小型演唱會，氣氛甚High。
——好友齊攻擊死穴 許志安傻笑
香港文匯報訊 (記者 寧寧) 今年為許志安加入樂壇25周年，東亞娛樂將於5月為安仔舉行演唱會慶祝，而TVB早前亦為安仔拍攝音樂特輯慶賀，拍攝現場仿如小型演唱會一樣，除了近百歌迷參與之外，更請來一班好友和安仔的伯樂出席，黃柏高Paco與雷頌德兩位幕後功臣及好友何韻詩、王菀之、盧凱彤和師兄劉浩龍出席，曾與安仔共事的舊唱片公司同事鄧健泓、葉文輝等亦有到場。好友在台上又不斷揶揄安仔與鄭秀文（Sammi）的夢幻戀情，令他尷尬面紅。
眾人先分別說出對安仔的感受，Paco說：「安仔個轉捩點可以話係《爛泥》，直情可以話係佢當時嘅寫照，好反映到佢當時嘅感覺。經過25年，我可以話而家先係安仔嘅新開始，我預祝佢更加成功！」雷頌德說：「其實我同佢識咗十幾年，但係相識嘅地點竟然係波樓(桌球室)，當時係張衛健約打波。」
一眾嘉賓更輪流上台表演。雖然主題為安仔加入樂壇25周年，不過嘉賓們顯然對安仔與Sammi復合一事更有興趣，師兄劉浩龍上台時說：「我識咗�9年，新秀參賽都係唱安仔隻《心血》，祝佢快啲結婚啦！」安仔聞言即說：「唉，今日請錯咗劉浩龍。」鄧健泓讚安仔為人浪漫，曾於電話為自己高唱生日歌。他又稱曾於尖沙咀遇上安仔手持女裝手袋，本來覺得十分可疑，他說：「我心諗佢係咪痴線，拎住個女仔手袋，不過而家唔講都知，個袋一定係而家�蔬�㗎啦！」安仔聞言只能面紅傻笑，但不認有幫女仔拎手袋。
後來安仔與25歲的盧凱彤合唱。安仔入行當年盧凱彤先出世，他又覺得幾有趣。而一向斯文的王菀之，則於台上公開要求檢查安仔的腹肌。
鍾意安仔好sexy
數到最有義氣要算何韻詩，阿詩上台後就盛讚安仔說：「每次我都好想攬安仔，因我當佢係屋企人，好似阿哥咁；其二係我覺得佢好sexy，我曾經同一班朋友揀咗12個男歌手，大家排次序睇吓最鍾意邊個，本人就係揀咗安仔做冠軍嘅。」安仔笑得十分高興，豈料阿詩續說：「不過好可惜，我爭唔過人𡦃，全香港都知，安仔情深有邊個唔知𡦃？」最後兩人更攬頭攬頸到坐於地上表演。事後安仔說：「呢個party好有紀念價值，我覺得今年反而係一個開始，一個里程碑，雖然25年途中有好多高低起跌，但係當中嘅友誼同真情都係花時間先至會得到。」
|
放大圖片
