離巢盡訴心中情 陳鍵鋒求一份認同

放大圖片

　■陳鍵鋒辛勤工作，就是希望獲得大家認同。

撰文：植毅儀 　攝影：莫雪芝　髮型：i private i @Derek 　　服裝：DIOR HOMME、TED BAKER　場地：銅鑼灣狀元王家沙

　因為上有線接受專訪，陳鍵鋒(Samuel)的「呼吸自己空氣」言論引起軒然大波，更掀起一陣無線花旦小生「離巢熱」。其實陳鍵鋒在內地是一線小生，以六位數一集拍劇，那番話只希望抒發多年來的感覺，別無貶抑無線之意，況且他和TVB正傾緊其他合作，所以話波係圓�鵅A哪有說永不！

　早前陳鍵鋒用廣東話接受有線專訪，說到在無線多年一直不受重用，眼見身邊的同輩一個個獲頒獎，故心生不忿而離開TVB向外闖。一個做了三小時的訪問，最後被剪成30分鐘播出街，更引起很大迴響，對此陳鍵鋒說：「我做cable（有線）訪問沒有『鬧爆』無線，只是把我多年見到、聽到，又或是心中的話講出來。那次訪問傾�鬫n耐，講�鬫n多�洁A有些想講的話畀人刪剪�驉A例如話感激TVB�隆O11年的栽培，無呢11年唔會見到《美人心計》有我份之類的話。咁大家(記者朋友)睇完個訪問，起條搶眼的題話我『鬧爆』，大家都明白這是傳媒的作風。」

不想與TVB拉扯

　陳鍵鋒加入TVB 11年，但一直以來都不是「親生仔」約，只是普通藝人約，難道沒有高層叫他簽「親生仔」約嗎？「有，一直都有高層叫我簽『親生仔』約，但你一看那些條件已經唔想簽。好似今次傾續約的事，有人打電話畀我經理人，話叫我上公司有�浀P我傾，上到去，已經有份合約放在我面前，我細心睇完，心諗『唔係呀！』，講緊佢好有誠意的續約是加少少錢畀我，佢個價比我一個騷要求的低幾十蚊，我話返屋企想想，點知佢好快又打電話來，問我幾時簽約，好有壓迫感，完全唔畀你去諗，但我唔係初入行的人，好多事我自己要衡量，大家拉扯了四個月，覺得不如算啦！」

　陳鍵鋒曾被無線力捧，更被捧為「奧運六星」，與林�腄B黃宗澤、吳卓羲、馬國明和黎諾懿等視為力捧對象。可惜連吳卓羲、黃宗澤，甚至馬國明也有份提名台慶最佳男主角，但自己卻連台慶都冇得去，講起又令Samuel好「火滾」。「以前自己很在意去台慶，真係會一早襯定靚衫。點知近幾年，自己的排位愈來愈邊，拍劇對手愈來愈年輕，別人已經有份提名台慶最佳男主角，我就連一個飛躍獎都無。」

努力卻遭冷待

　雖然冇簽TVB經理人合約，但也算是當家小生，由03年的《律政新人王》到《學警狙擊》，都一直穩守「第二男主角」位置 ，今年卻……！其實TVB這些小圈子選舉，陳鍵鋒又何需介懷呢？因為去年他已經憑內地熱爆劇《美人心計》揚威第5屆首爾電視大獎頒獎禮，得到網民選為中國部門最佳男主角，實力毋容置疑，那為什麼又要TVB的獎呢？陳鍵鋒說：「我要的是一份認同，一個後生仔明明努力工作，亦得到觀眾認同，但公司卻冷待你。有段時間我都問自己，是否唔夠努力呢？有邊個唔渴望有獎。那時作為一個小朋友，有唔開心，但近年明白有時人為的事，不到自己控制。我拍劇好注重角色是否有得發揮，像今次為拍《洪武三十二》，特意推�鰴﹞C位數字酬勞的內地劇。而為了了解人物角色，我特意上內地幾間大型的新華書店去買關於洪武三十二的書。原本傾的時候戲份根本上同謝天華和馬德鐘一樣咁多，但現在出來，像好多事都不對勁。」

經理人如至親

　其實講來陳鍵鋒都唔明個遊戲規則，不管你的演技有多好，你一日不是「親生仔」，一日不會被高層寵幸，唯一解決的方法就是成為「親生仔」，在溫室中成長。聽到記者的形容，陳鍵鋒畀了一個唔知好嬲定好笑的反應，然後說：「我和經理人Ivy合作了13年，比TVB更長。中七畢業參加全能DJ大募集而任新城電台DJ，1999年認識Ivy簽下經理人約至今。老實講，上次TVB同我傾約已經繞過Ivy同我傾，我都同TVB講『有咩事等我同經理人商議下先。』 我同Ivy識��13年，佢好開通、睇得好化，好多事我們都拿出來講。佢都有同我分析『如果你覺得TVB開出的條件OK，你咪去囉，但你要考量之後人�]點話你！』。我是一個重感情的人，特別是近幾年常穿梭在兩地拍劇，Ivy見我的時間比我屋企人還多，相處咁多年，我們的關係似家人比較多。咁多年來，她都是專心湊我一個人，不像在大機構，一個經理人帶一大班人，容易顧此失彼，又容易有是非。」其實近年Samuel在內地成為一線小生，連大公司華誼兄弟也曾向他招手，但他也不為所動。