 放大圖片
■陳鍵鋒外型俊朗，在內地拍劇自然甚受歡迎。
近年不少香港藝人回內地拍劇，陳鍵鋒是較早回去發展的一批藝人。現在內地屬一線藝人的他，片酬每集約六位數一集，最重要是一早劇本已經到手，令演員有充分的準備。像訪問當日，經理人Ivy就向記者展示9月才開拍的新劇，已經有故事大綱及分集劇情。「我年前入內地拍劇，坦白講初時真的不適應，壓力都好大。特別是天氣上的變化，溫差好大。我在內地第一個劇集雖在廣東省拍攝，但身邊的演員多是說普通話，但為了遷就我而對著我說廣東話，令我唔好意思，那時我同自己講，下次回去拍劇自己一定要用普通話溝通。內地拍古裝片，全實景拍攝，有助演員投入環境。最好就是一早收到劇本，唔會飛紙仔，令演員可以為自己的角色寫人物傳記，令自己知道幾時要用力演，搵重點，可以把力分平均點。當然香港拍劇也有好處就是節奏快，內地比較花時間，我希望兩邊拍，令自己取得平衡。」
回內地工作，唔知陳鍵鋒呢種帥哥會否遇到女藝人向他投懷送抱呢？「當然有『飛來蜢』啦，但我好自閉、又慢熱，又要先了解對方的背景，我又唔喜歡拍散拖，唔合心的就會拒絕對方，免大家誤會。」乜你唔想拍拖嗎？「當然想，但如果圈中人同佢拍親熱戲，我又會呷醋；圈外人又怕佢唔明白我們這行的事，會胡思亂想。我和之前的女朋友拍了好幾年，不過因了解而分手，其實你們好多行家都見過我拍拖，因為個女仔係圈中人，但媒體選擇性報道。」
|
放大圖片
