 放大圖片
■張敬軒和孫耀威唔怕肉麻，作個互相餵食狀。
香港文匯報訊（記者 李思穎）張敬軒、孫耀威、吳建豪將於下月五日舉行音樂會，昨日開記者會公佈詳情，由於吳建豪未能出席，大會便安排軒仔、孫耀威和Chok樣吳建豪的紙板合照，兩人便鬼馬地大擺Chok樣甫士，十分搞笑。
有指三個男人做騷太Dry，豈料軒仔說：「兩個啫，我唔係麻甩佬。（你是囡囡？）我係鹹濕仔，好似我首歌《壯舉》，開騷時便會『壯舉』。」孫耀威忍不住笑說：「壯舉好過『不舉』。」軒仔謂到時可以一起講有味笑話。
大會宣佈今次音樂會反應熱烈，不消一小時門票已爆滿，孫耀威指自己也沒有飛，問他女友陳美詩會否前來捧場，孫耀威先說「無飛」，繼而搞爛Gap：「係我無Face，對方都未正式睇過我做騷。」軒仔插口笑說：「來睇我都好。」孫耀威鬼馬地說：「最多叫佢帶多些姊妹來支持你，等你揀番個。（你Sure佢要姊妹？）兄弟姐妹一起來。」軒仔解釋是教會的弟兄姊妹，叫大家不要亂想。」
|
放大圖片
