 放大圖片
香港文匯報訊 第二屆「中國南寧國際時尚博覽會」正於廣西南寧國際會展中心舉行，這次博覽會分別展出世界各地的名車及名牌時裝等，而其中參展的名車－廣西巴博斯總代理更邀請到香港藝人許志安及江若琳擔任是次剪綵嘉賓。日前因眼角膜嚴重受損的江若琳，腳踏六吋高𤧟鞋盛裝打扮出席。
現場所見，江若琳每行一步，也需要工作人員在旁攙扶，而在場無數的閃光燈令到她不斷流眼水：「隻眼仲未好返晒呀，而家仲係好痛好紅同腫，所以髮型師都專登用頭髮幫我遮住隻眼，同要keep住滴眼藥水，加上頭先的閃燈令我更加辛苦，係咁標眼淚。」唔驚變盲妹咩？她說：「都驚㗎，所以今日都唔敢戴隱形眼鏡，要盡量讓雙眼休息下，但發現原來近視真的加深好多，而家望嘢好模糊，仲要穿咁高的高𤧟鞋，所以出入都要有人扶住先敢行，好驚會仆親。」安仔亦有慰問她，建議戴上黑超擋閃燈以減輕通楚，而在場的記者及工作人員也紛紛向她作出慰問，令她覺得好感動，不斷向在場人士說不起。所以雖然負傷工作，不過江若琳卻表示十分開心，而且難得跟安仔合作，覺得他很隨和。
剛考獲車牌的江若琳對館內展出的名貴車輛十分感興趣，更坦言希望能盡快購買一架能適合全家人用的車：「因為自己成日都唔効香港，如果可以買一架適合全家人揸既車就最好，而家一有時間就會即刻揸住架車四圍去，自己始終都係新牌仔，又成日飛，唔練熟啲真係會唔記得點揸。」
|
放大圖片
