 放大圖片
■蘇永康由性感模特兒陪伴出場。
香港文匯報訊（記者 梁靜儀）蘇永康相隔九年再假紅館舉行個唱，昨日康仔出席演唱會記招，台上他以伉儷來介紹嘉賓何韻詩及容祖兒，無懼開罪朋友，又透露會請謝霆鋒去看個唱，但就沒有契妹張柏芝份。
康仔將於11月於紅館舉行兩場個唱，昨日他在兩位外籍性感模特兒陪同下出場，康仔自嘲形成了一個「凹」字。會上進行祝酒儀式，由於老闆林建岳腳傷未痊癒，康仔即識做走下台與老闆祝酒。雖然只開得兩場，但康仔個唱就請來多位嘉賓助陣，康仔說：「嘉賓多到好似慈善，但好開心，包括林子祥、李宗盛、陳潔儀及何(韻)詩、容祖兒伉儷，她們當然分開。」同時又宣佈康仔的新歌《那誰》於youtube點擊率成了2011年度香港區最高單曲。
請霆鋒看騷 未搵契妹柏芝
其後康仔接受訪問，問到他公開稱呼何詩及祖兒為「伉儷」，問他怕否有人會嬲？康仔卻說：「做朋友講下笑，唔講得笑就唔好做我朋友，大家知玩得，(事前可有知會她們？)好多事都心照，伉儷唔一定指一對couple，Twins、Sun Boy'z都可以稱之為伉儷。」事實上伉儷是指一對夫婦，而且多是貴族和上流人士用的，只是在康仔的字典內伉儷有他的解釋而已。
問到為可不邀請許志安、鄭秀文伉儷做嘉賓？他表示因無位可以再攝及他想與未合作過的單位合作，同時也不想Big4過度曝光，還要攤長來食。至於可會叫女友上台？康仔表示女友不是做幕前的。
與謝霆鋒份屬好友的康仔，自爆會請對方來睇演唱會。問到會否請埋契妹張柏芝？康仔說：「我都話過係佢搵我，我搵唔到佢，我仲會請埋拉姑、四哥、Uncle Kong，如果我有咁多張，無理由吹晒雞叫人企旁邊，因為我只開得三面台，每晚只可容納八千觀眾，我自己都訂了幾百張飛，希望不會cut我飛。」。
問到會否騷肌肉？康仔笑道：「留返畀安仔，我行埋佢仲有得行。」能再次踏足紅館開騷，康仔感慨說：「2002出事前開個唱，估唔到可以再踏紅館，賺了，完全唔係計算之內。」
|
放大圖片
