|
香港文匯報訊（記者 鄭治祖）公民黨在今屆區選成績不理想，非但未有反思己過，該黨黨魁梁家傑更聲言是次失則，是因為對手出動「蛇齋餅粽」，是次失落山頂區議席的陳淑莊，更聲言山頂區的選民是「被動員」才投票予其對手。在網上討論區，不少市民批評公民黨拒絕反省，還要侮辱選民，反映這個政黨絕不值得支持。
「輸了席位，輸埋風度氣量」
在網上討論區，市民齊轟公民黨拒絕反省。「hwwong」坦言，「輸了就是輸了，應該檢討自己政黨點解被選民離棄才是」「zx1as2qw3」亦說：「（公民黨）輸了席位不單，輸埋風度氣量，唔諗自身不足，事事諉過於人，呢啲人你仲揀唔揀得落？」「diy05」則批評道：「人哋選你就以為自己好叻好醒，唔選你又話人哋種票，咁你哋講晒去啦！又唔諗吓（自己）一路嘅表現係點？唔好忘記選民嘅眼睛係雪亮嘅，唔like你就唔選你囉，講多都無謂！」
就梁家傑以至陳淑莊聲言選民不投票給他們，是因為對手「擺蛇宴、齋宴，派粽、派餅」，「DNF918」揶揄道：「原來山頂人都鍾意蛇齋粽餅！」「Trevor10」亦笑言：「唔知公文袋知唔知山頂嘅蛇齋宴喺邊度穢O！」「何偉濤」則指，「佢哋有證據唔去ICAC？很可能就係捕風捉影嘅指控用來向死忠支持者交代！」
不屑地區工作 選前才「揮吓手」
市民普遍認為，公民黨多名議員落敗，是因為他們不屑做地區工作，又不理解選民的心聲，只在臨選舉前才落區「揮吓手」。「不死鳥~鳳凰一輝」揶揄道：「臨選舉前，揮吓手，企吓街，咁就以為可以贏到呀？唔係咁天真呀！」「天荒地老」亦諷刺道：「人哋黨魁話明唔可以擺個人成10個鐘喺區做嘢呀，難得出嚟同你哋班『蛇齋餅粽』香港人揮揮手，畀足面子你哋啦！」
「FunnyVivien」則嘆言：「8月份半山居民已表態（對外傭爭居港權）不滿，攻聞黨（公民黨）視若無睹，今次選舉大敗又賴三賴四……成功不是偶然，是要自己去爭取，失敗不是別人的錯，不去反省，就永遠都會失敗！」又說，「（公民黨話人）種票，的確是種了，是用愛心，耐性和服務市民的心一票一票的種下來。公民黨，敗了是責無旁貸！」
|
