 放大圖片
■甄子丹晒金雞獨立。
香港文匯報訊 (記者 凡文)由陳慶嘉、秦小珍執導的《八星抱喜》將於明年農曆年上映，電影已經拍攝完成並開始後期製作。今次在電影中突破最大的可說是甄子丹和吳君如，今次子丹一反近年其功夫巨星形象，飾演失意搖滾歌星，並首次以印度人的造型示人。子丹表示：「拍每套電影都希望有新嘗試，今年是我第二年拍賀歲片，所以想帶畀觀眾新的角色，於是同導演傾，最後決定演一個大家都諗唔到的角色。」
子丹更在戲中與君如載歌載舞，為了這場戲，他倆花了很多時間秘密練歌和排舞。子丹表示：「為了配合這一場歌舞和印度人造型，我不單要塗黑塊臉，仲要著高𤧟鞋載歌載舞。不過當我著晒成套衫時，自己都嚇一跳，因為出來的效果幾可亂真，再加埋現場的音樂，真係恍如置身印度一樣。」
君如就笑言今次答應做過氣歌手很傻，她說：「因為以往拍賀歲片都係好舒服的，但今次就要拍幾個MV，又要唱歌又要跳舞。子丹就梗係無問題，佢本身做開運動，所以體能都可以應付得到。我見子丹跳得咁落力，當然因為我影響佢，所以唯有頂硬上，拍了一日，差些虛脫咁滯，真係自己搵自己笨。」
|
放大圖片
