 放大圖片
■翠翠曾為遠離是非，出走外國散心。
採訪：植毅儀 攝影：劉國權 服裝、場地：Ted Baker
——學懂欣賞 豁然面對是非
翻看葉翠翠的資料，是非一籮籮。先是參選港姐初期被傳整容，再是08年間，與新加坡富商黃有龍拍拖，繼而購入賽西湖千萬豪宅，雖然當事人多次否認是因男友而富貴，但傳媒還是借題發揮。對於過往種種不利的傳聞，難得伊人看得開。遊走2、3線多年，翠翠希望假以時日可以憑自己努力游上一線。
和葉翠翠做訪問，先由生與死談起。事緣去年年底，葉翠翠買下人生第一份醫療保險，然後又心血來潮去做body check，卻發現胰臟部位有腫瘤，入院接受微創手術，幸而化驗結果是良性。葉翠翠說：「做完手術，身體弱咗好多，以前洗完頭唔吹頭，唔會頭痛。現在吹遲少少，個頭都痛到好似畀針拮。出院初，記者朋友常問我會否怕肚皮留疤痕不可以再穿比堅尼，其實今次可以話經歷過生死，在死亡的邊緣也不怕，何需怕不能穿比堅尼。」
擇偶從不求靚仔有錢
可能正如翠翠所言，人生有了經歷，人的心情也不一樣了。本身是處女座的她，以往做事心急，一味希望快點完成，反而失去欣賞身邊人事物的耐性。「以前做事搏到極，最好有咁多接咁多工作。但現在卻懂得行慢些，去欣賞身邊的一切。我都有想過如果呢一刻真係死咗，最遺憾是沒遇到一真心對自己的男人。我其實好少拍拖，3隻手指數得晒。一次是未入行前，另外兩次大家都知道了。我選男朋友的要求唔高，最好不是行內人，因為唔想開工又見，收工又見。而且我從來也不需要搵靚仔及有錢人，我唯一希望是找一個對我真心的男朋友。可能因為我是藝人，有時你明知有些人行埋你身邊是有目的的。對上一次拍拖最終只維持了短短三、四個月，這段情只可以用遍體鱗傷來形容，但我唔可以怪其他人，男方唔想公開感情，咁我選擇自己去面對。咁我亦以為唔出聲就冇事，但最後都要承受好多嘢。而且也有些文化差異，對方要我先誕下BB，才結婚。那些年，我才25、26年歲，真的接受不來。」訪問寫到這，不禁要代翠翠唏噓一番，如果當年肯結婚生仔去，可能現在坐享男方5億身家兼不時在微博曬一家3口恩愛照的不是「中國四大花旦之一」的趙薇，而是葉翠翠，總比現在常被傳媒奚落來得好。
怕再受傷 自我保護意識強
其實失戀也有失戀好處，因為失戀最好的療傷方法就是寄情工作。可惜卻遇上人生另一個低潮，就是被公司雪藏。事緣08年任奧運主持間，傳出她跟其他拍檔不和的是是非非，接著工作少之又少，伊人索性出走外國散心，遠離是非。
葉翠翠的自我保護意識很強，因為在訪問過程中，她手臂往往會不自覺地環抱胸前。「公司沒有話雪藏我，但當時工作量的確少了。我唔係那些講說話好叻的人，也不懂得把說話包裝，有時講完一大輪，記者朋友們可能也不明白。有時報道出來後，見意思扭曲了，自己好唔開心。再來的是傳出被『被包養』以3千萬購入兩個賽西湖單位，被不少人借題發揮來抽水，解釋完又沒人聽，好心灰。寧願去外國休息一下，當然我不可以怪任何人，因為當時我處理得唔好，而且如果唔係過往發生咁多事，也不會令到現在的我成熟了。好多朋友都話我好自我保護，但如果唔係咁，我好怕再受傷。正如你們(指記者)成日問我是否想再拍拖，咁大時大節一定想有人在身邊，但如果我再唔帶眼識人，或者亂識人、拍拖，到頭來受傷的只是自己。我相信只要調節好自己的心態，個天就會畀個適合的人我，而且蘇民峰師傅說我要到2016年才有真命天子出現，如果2016年沒把握到，就要到2026年才再有。我唔想拍散拖，我只係想搵可以同我細水長流的人。」
|
放大圖片
